Фото: ҚазАқпарат

Жұмыста коронавирус жұқтырған 899 медицина қызметкері 2 миллион теңге өтемақы алды. Бұны Еңбек және халықты әлеуметтік қорғау министрлігі хабарлады.

— Коронавируспен күрес кезінде COVID-19 немесе вирустық пневмония  жұқтырған 899 медицина қызметкері бір реттік өтемақы алды. Сонымен қатар ол вирустан көз жұмған үш медқызметкердің отбасына берілді, — делінген министрліктің сайтында. 

Естеріңізге сала кетейік, жұмыста коронавирус жұқтырған медицина қызметкерлері 2 миллион, ал аурудан көз жұмғандардың отбасыcы 10 миллион теңгеден алады. 

3 тамызда денсаулық сақтау министрлігі пандемия кезінде 8 518 медқызметкер вирус жұқтырғанын хабарлады.